ذات يوم كنا في الفسحة الأولي .. ( الحمد لله أنني عشت ايام الفسحة الأولي و الفسحة الثانية و فناء المدارس الواسع الجميل )( أمس في برنامج العاشرة علي الفضائيات- كانوا يتحسرون علي هذه الأشياء و أنها من الأثريات الآن ) ..المهم كنا نقضي فترة الفسحة الأولي وو جدنا الحال مش طبيعي..همهمات هنا و هناك و كل اثنين ثلاتة ..حاطين دماغهم في دماغ بعض و هات ياوشوشة..
فيه إيه يا جماعة .. هو فيه إيه.. تكتم شديد .. وكل واحدة بتقول للتانية في السر ..و طبعا بتقولها أكيد اوعي تقولي لحد .. تقوم التانية تروح تقول لعشرة و توصيهم في الآخر إنهم مايقولوش لحد..( كلمة السر= أوعوا تقولوا لحد..) .. طبعا بعد نصف ساعة ممكن الخبر يوصل أسوان..ده طبعا لأن ماكانش فيه فضائيات أيامها ..و لو كان فيه..كان زمان فيه كان محطة مش عارفة مين ذاعتها…!!!
فين علي ماوصلني الخبر..إن زميلتنا فلانه..حامل..يانهار إسود..طبعا المواضيع دي كان يتم الكلام فيها علي استحياء شديد ..مش بالبجاحة بتاعة الأيام دي..أنا علمت من سنة تقريبا إن خلف منزلنا فيه جمعية متخصصة لرعاية الحالات دي و أنهم كتير..
طيب وده حصل إزاي..إمتي..إتجوزت مين ..إتجوزت إيه يا عبيطة ..بنقولك حااااممل..تقولي لنا إتجوزت..بصراحة برضة كان عندي فعلا حتة عبط و عدم وضوح في المواضيع دي..لكن حب الاستطلاع ..والاندهاش من الخبر المفاجيئ المباغت ..جعلاني أتحرق شوقا للعودة للمنزل ..بعد يوم مليئ بعلامات الاستفهام الكبيرة بين الكثيرين اللذين لا يفهمون مثل حالاتي.. و الكثيرين اللذين يفهمون برضه و يتكلمون في السر و يقولوا ماتقولوش لحد…!!!!!!
طبعا لم أهدأ يمكن أسبوع بحاله..من هول الخبر..إيه ليه ..إزاي ..طيب و بعدين..وطبعا حكيت في البيت اللي حصل و تم احتواء الموقف و الشرح المبسط اللي فهمت منه بالعافية..إن فيه قلة أدب حصلت ..طيب وبعدين ..يعني زميلتنا دي حايحصل لها إيه ..أنا باعترف بسذاجتي الشديدة..قضي ربنا..إنما تم إلقاء علي قائمة التحذيرات و الممنوعات..ولائحة الثقة و الاعتماد علي ..و الصدق …وكان درسا عمليا من دروس الحياة…
في المدرسة اليوم التاني عرفنا إن زميلتنا منعت من الحضور للمدرسة..شوية يقولوا تستاهل.. وشوية يقولوا ياحرام..هي كانت أكبر مننا ..في السنة الثالثة ..يعني عندها ثانوية عامة..
وفجأة ظهرت الزميلة العزيزة..بعدها بفتره..وشكلها العام مكور..وحصل لها دعم نفسي كبير جدا ..ومش هاممها حاجة ..ويبدو أنه حرصا علي مستقبلها سمحوا لها بالحضور..مع أن هذا علي حد علمي ممنوع ..لكن كل شيئ فيكي يامصر جايز..واستمرت القصة حتي نهاية العام هي حدث الموسم ..
ظلت محل التندر و العظة والحكايات و الأسرار ..ودنيا البنات واااااااسعة …وكل شيئ اتنسي بعد ذلك …و للحق لم أتذكرها إلا اليوم صباحا …وقارنت بين ما حدث في الماضي و ما يحدث الآن ..هذه حدوتة عادية جدااااا الآن…لا تثير إنتباه أي أحد ..بل يحاولون الآن من خلال المسلسلات و خلافة أن يمرروها علينا كأمر واقع يجب أن نتعامل معه بكل حكمة و هدوء و رصانة ووووووو……
صحيح هو درس بس انا كمان فعلا يعنى لما اسمع الحاجات دى بسستغرب جدا بالذات بقى ان الايام دى بيكون فى حمل وطفشان ودى هربت ودى سافرت وحاجات غريبه اوى ربنا يحفظنا
السلام عليكم
والله يااختي للاسف انه هيك صار هالايام
حتى المسلسلات صارت تعالج قضايا اكبر
من وجهة نظري انهم مفكرين انهم بعالجوا لكن الحقيقة انه بفسدوا الشباب اكتر لانه بزرعوا الفكرة براسهم وبخلوها متل ما قلي يتعالم الشخص معاها بهدوء ويستقبلها بكل سرور
أشكرك علي زيارتي و أتمني ألا تنقطع ..وأنا هدفي اساسا من هذه الذكريات ..هو طرح تاريخ في الغالب يعيد نفسه بصور و أشكال متشابهه..حتي لا يقع في نفس الأخطاء ناس آخرين..وقانا الله جميعا كل سوء
للأسف ان هذه الأيام اصبح شيء معتاد في كل مكان و الله المستعان
ما دام يدرسو كل حاجة في تانية اعدادي … يعني لا حول و لا قوة الا بالله الأطفال اصبحو يسألو اسئلة الواحد يحير حيجاوب ايه … يمكن زمان ما كانش عبط و لا سذاجة بس كانت براءة نفتقدها الآن إلا من رحم ربي
اللهم اصلح احوالنا و احوال المسلمين
وفقك الله أختي لما فيه الخير و الرضى
أهلا بك أخت عزيزة ..أنا ..دخلت عالم التدوين الإليكتروني هذا بالصدفة..واستعنت بالله أن لا تكون القصص التي اسردها للتسلية..إنما للتيقن أن الخير كان ولا يزال موجودا ..حتي وإن تواري قليلا خلف بعض أكوام القمامة..و التي بحمد الله ليست عالية..لو وضعنا ايدينا في ايدي بعض..كل يصلح ماعنده ..تأكدي يا×تي و الله سيعود الخير كما كان ..ولا ننسي قول رسولنا الكريم..الخير في و في أمتي غلي يوم الدين ..دمت بخير
صحيح هو درس بس انا كمان فعلا يعنى لما اسمع الحاجات دى بسستغرب جدا بالذات بقى ان الايام دى بيكون فى حمل وطفشان ودى هربت ودى سافرت وحاجات غريبه اوى ربنا يحفظنا
الجو العام دلوقت بيخلي الموضوع شبه معناد ..في ايامنا الموضوع ده كان نادر..ونادر جدا
الحقيقة مش عارف اساعدك ازاى هنا لانى عمرى ما اتعاملت مع صفحات الوور بريس
وشكرا على مرورك عندى
السلام عليكم
والله يااختي للاسف انه هيك صار هالايام
حتى المسلسلات صارت تعالج قضايا اكبر
من وجهة نظري انهم مفكرين انهم بعالجوا لكن الحقيقة انه بفسدوا الشباب اكتر لانه بزرعوا الفكرة براسهم وبخلوها متل ما قلي يتعالم الشخص معاها بهدوء ويستقبلها بكل سرور
يمكن طريق العوده الوحيد هو العودة لله وللدين
شكرا لك ع الموضوع
أشكرك علي زيارتي و أتمني ألا تنقطع ..وأنا هدفي اساسا من هذه الذكريات ..هو طرح تاريخ في الغالب يعيد نفسه بصور و أشكال متشابهه..حتي لا يقع في نفس الأخطاء ناس آخرين..وقانا الله جميعا كل سوء
السلام عليكم … و اسعد الله صباحك
للأسف ان هذه الأيام اصبح شيء معتاد في كل مكان و الله المستعان
ما دام يدرسو كل حاجة في تانية اعدادي … يعني لا حول و لا قوة الا بالله الأطفال اصبحو يسألو اسئلة الواحد يحير حيجاوب ايه … يمكن زمان ما كانش عبط و لا سذاجة بس كانت براءة نفتقدها الآن إلا من رحم ربي
اللهم اصلح احوالنا و احوال المسلمين
وفقك الله أختي لما فيه الخير و الرضى
أهلا بك أخت عزيزة ..أنا ..دخلت عالم التدوين الإليكتروني هذا بالصدفة..واستعنت بالله أن لا تكون القصص التي اسردها للتسلية..إنما للتيقن أن الخير كان ولا يزال موجودا ..حتي وإن تواري قليلا خلف بعض أكوام القمامة..و التي بحمد الله ليست عالية..لو وضعنا ايدينا في ايدي بعض..كل يصلح ماعنده ..تأكدي يا×تي و الله سيعود الخير كما كان ..ولا ننسي قول رسولنا الكريم..الخير في و في أمتي غلي يوم الدين ..دمت بخير