Posted by: doctoraydy2008 | مارس 13, 2008

هي الغربة بتخلينا ننسي


حكيت من كام يوم عن زميلة الطفولة اللي هي أول واحدة دعيتها لقراءة المدونة .. وقلت حاتفرح .. وحا تفكرني بحاجات كتير مشتركة بينا ..وحاجات كتير أكيد أنا ناسياها .. لكن و الله جالي إحباط لما فوجئت بيها مش مهتمة بالمرة .. ولا الفترة دي تعنيها في شيئ و لا فاكرة أي حاجة عنها.. غريبة جدا .. طيب ليه أنا فاكرة .. ومش بس فاكرة ده اللي أنا فاكراه بالصوت و الصورة .. و الصورة بالألوان. .و الزمن ده كان له رائحة ..مازالت في أنفي و في وجداني .. زميلتي العزيزة بعد المرحلة الثانوية .. غادرت مصر .. ولم أعرف .. عرفت بعدها بسنين كتيرة..في يوم كنت في الماركت باشتري أدوات للمطبخ و الثلاجة .. لقيت واحدة .. ماقدرتش أمنع نفسي من إني أبص لها كتير .. لحد ماهي أخدت بالها .. رميت عليها السلام .. وقلت لها أناآسفة بس أنا باشبه علي حد .. إنتي فلانة أو أختها.. قالت لي أنا أختها .. بس إزاي عرفتي .. إحنا مش شبه بعض .. قلت لها مش عارفة .. يمكن الروح .. الله أعلم .. المهم عرفت منها إن زميلة الطفولة غادرت مصر إلي بلد الأحلام .. وعملت لنفسها هناك حياة و أسرة وعمل.. وعادت الصلة من جديد بيننا .. حتي أننا نتواصل هذه الأيام بالتكنولوجيا ( اي بالبريد الإليكتروني ) ..اللي لايمكن كان حد يحلم إنها تكون موجودة في يوم من الأيام .. وممكن نتجاذب الحديث عن طريق الميسنجر و هكذا.. و كنت أتصور أنها ستضفي ثراء كبيرا علي أيامنا المشتركة ..إلا أن أمنياتي طارت في الهواء.. الغربة ياناس بتخلينا ننسي الزمان و المكان و السكان كمان …..

وطبعا كان من العبث مني إني أحاول أفكرها بحاجة ..لكن اللي خلاني مش زعلانة قوي إنها فاكره بعض الزميلات وده اللي صبرني علي الغلب شوية … لكن و الله عندي أمل لسه .. يمكن الذكريات علاها الصدأ .. ولما شوية شوية تتلمع ..تظهر ..يارب ..


Responses

  1. عادي جدا , يا دكتورة اللي يسعى أنة يمشي بعيد عن هنا ما تتوقعيش إن الماضي هايكون بالنسبة لة شئ , إحنا فاكرين الماضي لسببين, أولا لأن الطبيعة العقلية لمحبي الكتابة تأبى النسيان , ثانيا لأن الماضي بيمثل بالنسبة لنا شئ كبير
    لي تحفظ على شئ في المقال و هو لفظ “بلد الأحلام” , معلش يا دكتورة بلد الأحلام دة مصطلح أدبيا ما ينفعش يتقال لأنة بيسبب تشتيت للقارئ , إختلاف الثقافات هايخلي المقالة تتفهم بصورة مختلفة من كل واحد يقرا المقال , بلد الأحلام مصطلح متعدد الأستخدامات و حتى إن كان ممكن يتفهم بصورة واحدة
    الكاتب الناجح هو اللي يقدر يوجة مقالاتة لكل القراء من غير ما يوجد في المقال شئ يؤخذ علية كنقطة صراع للثقافات بالذات

  2. أولا أشكرك علي متابعة المدونة
    ثانيا المقصود بالبلد اللي مش عايزة أذكر إسمه لأني باحاول بقدر الامكان إني لا أذكر أسماء و هو معروف و الاصطلاح كناية عليه
    علي أي حال رأي معتبر و ملاحظة مقبولة ستؤخذ في الاعتبار إنشاء الله
    لكن لو إنت مطرحي في الجزئية دي بالذات ماذا ستسميه ليخاطب ثقافة الجميع
    شكرا مجددا

    Dr Aydy


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: