Posted by: doctoraydy2008 | مارس 14, 2008

القطن بدل الطين


أول دروسنا في الزراعة كانت طبق و قطعة قطن و حبات الفول و الذرة و الفاصوليا والقمح و زجاجات لنعبأها بالماء .. هي دي كانت عدة الزراعة .. أما المزرعة فكانت في الفصل في حصة النباتات … منها نتعلم العدد و منها نتعلم نزرع ونراقب كل نبات وهو بينمو ..

ده مش كدة بس و كمان كان كل واحد فينا عندة كراسة صفحة مسطرة و صفحة بيضاء بيسموها صفحة وصفحة..الصفحة المسطرة المدرسة تكتب لنا فيها التاريخ و اسم النبات و إحنا نكتب زيها تحته …ده في الأول طبعا لحد ما اتعلمنا إننا نكتب.. والصفحة البيضاء نرسم فيها تطور النبات كل يوم..

ده إيه الصبر ده ..فيه النهاردة مدرس واللا مدرسة عنده الصبر ده .. المهم كنا اولا نضع قطعة قطن مناسبة في الطبق و طبعا قبل ما نبدأ .. نملأ الزجاجات بالماء من الحمام ؟؟؟؟؟…. وطبعا نغرق ميه .. وبعدين نضع علي القطن قليل من الماء و نغلق الزجاجة و نضعها تحت الدرج لأننا سنروي منها الزرع كل يوم ونرص عليها الفول و الذرة و الفاصوليا .. ماكانش فول الصويا لسه حد يعرفه ..كمان ممكن نضع قمح .. ونبدأفي مراقبة النبتات الصغيرة و هي تنمو و نراقب عدم جفاف القطن ..ده إلي جانب إن كل واحد له برطمان فيه ميه و مغمور للنصف فيه بصلة ..أيضا لنراقب نمو ألأخضر إلي أعلي .. و الجذور البيضاءالفضية اللامعةلأسفل ….

حتي اليوم مازالت عادة الخضرة و الزراعة لدي ..مش مهم تكون بنباتات .معينة ..المهم فيه خضرة وفيه حياة .. بمناسبة الفول و الذرة كان فيه عداد به كرات صغيرة ملونة للفصل كله لنتعلم عليه العدد ..وده طبعا مع المدرسة وممنوع الاقتراب أو اللمس .. أما كل منا فيمتلك كيس او إثنين من القماش بكل منهم عشرة حبات ذرة و عشرة حبات فول … لزوم مذاكرة الحساب .. وآه يازمن .. أد إيه كانت حلوة الأيام ….


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: