Posted by: doctoraydy2008 | مارس 17, 2008

غضبة الجبل


 ولأني تكلمت كثيرا عن الشتاء زمان .. وكيف أن الشتاء كان شتاء.. مش زي الأيام دي .. يومين برد نصرخ و نقول ده برد ماحصلش..كان زمان الشتاء من اوائل سبتمبر لحد شم النسيم في إبريل ..الأيام دي بنغيرملابس الصيف بملابس الشتاء في ديسمبر.. ويومين وبعدها خلاص.. فين الشتاء ده..

ومن سعدنا وهنانا إن القاهرة كموقع تقع في حضن جبل المقطم .. وده اللي ما يتقالش عليه لكان ولا جري.. دي عملية مستمرة كل ربيع.. قد تزيد قد تقل لكنها دائمة دوام القاهرة و دوام الجبل فوقها.. لما بيغضب ..و يجيله ريح ماعرفش منين شرقية, غربية , شمالية , الله أعلم ..ربما من كل الجهات ..لأن لو نظرنا لأي ورقة في الطريق .. نجدها بتلف حول نفسها ..في شبه دوامات .. يعني الريح بتلففها من كل ناحية.. المهم لما الجبل بيغضب .. بينزل علينا تحت الرمال و الأتربة .. وتبقي أيام ماطلعتش لها لا شمس و لا قمر.. في يوم من عدة سنوات أظلمت الدنيا فجأة و كأنه الليل و هرع كل الناس للصلاة .. وظنوا أنه يوم القيامة .. طيب ما كان من الأول .. هو لازم الدنيا تنقلب علشان نصلي ؟؟؟ ..

بعدها بشوية الدنيا اصبح لونها أحمر بأتربة لا أول لها ولا آخر .. ويومين و إنتهت الأزمة بفضل الله .. وطبعا لما الجبل بيحب يغضب فهو بأمر الله..

ودي ميزة من مميزات الربيع عندنا !!!!.. دائما يبدأ بالتراب و الرمال.. ربنا يستر .. لحد الآن الجو جميل .. و مشجع علي كل عمل طيب .. أيضا فقد كانت من المقدسات لدينا بالمنزل ..عملية سد منافس الشبابيك خوفا من دخول الأتربة.. لكن هو مين التراب بيدخل بيدخل .. و طبعا لو رايحة المدرسة بتيقي مشكلة .. إحنا مش شايفين و السواق مش شايف.. و الطريق غير واضح بالمرة و كل شيئ قد صبغ بلون أصفر أو أحمر حسب نوعية التراب و الرمل الذي حل علينا من الجبل الكبير… المقاعد مليئة بالتراب ..لاينفع معها مسحها بمناديلنا الصغيرة .. ولاشيئ يجدي سوي إنتهاء الأزمة الترابية .. وتحسن الجو.. وقيام عمال النظافة بأعمال النظافة في عطلة نهاية الأسبوع حتي نعود إلي فصول نظيفة في أول الأسبوع التالي لنستكمل ما إنتهينا إليه ..


Responses

  1. الرجاء زياره مدونتى سمسمه عيسى محروس من مصر اسعدنى كثيرا زيارتى لمدونتك موقعى هو www. aaysa.wordpress.com

  2. أهلا بك دائما في المدونة .ولقد زرت مدونتك اليوم وهي تتمتع بذوق راق.اتمني لك كل التوفيق و أرجو أن تسعدني بزيارة مدونتي و برأيك فيها وفي المدونة الأخري aydy2008.blogspot.com

  3. أعتقد إنك ظلمت الجبل في علاقته بالأتربة …
    مصر كلها بتكون مكسوة بالأتربة في تلك الفترة..

    وفعلاً زي ما قلتي ، مهما قمت بسد الفتحات وإغلاق النوافذ التراب هيدخل هيدخل 🙂 …

  4. سعدت برأيك ولكن هل تعلم أن المقطم جزء من سلسلة جبال من أول وصر لآخرها و لأني ركبت القطار من القاهرة حتي الشلال و تابعت هذه السلسلة و رأيتها بعيني كنت فعلا قلت ظلمت بريئة و الله


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: