Posted by: doctoraydy2008 | أكتوبر 21, 2008

عد النجوم في الليل والنهار…نتائج الظلم..


لنعد إلي ما جري ..

دخلنا لنقابل المدير الكبير قوي..سأل بهدوء بارد لا يتناسب مع حر قنا القائظ..كنتم فين يادكاترة..ردت زميلتي الرد المنطقي الوحيد..كنا نكلم (مصر) تعني القاهرة..ورد الموظف اللي جابنا..نعم ياببيه..فعلا أنا جبتهم من السنترال..[ ياخسارة التعليم و سهر الليالي ]..رد البيه المدير..أما كان من الأفضل الذهاب بعد مواعيد العمل [ بيروقراطي]..لم اتمالك نفسي ..قلت له اين هذا العمل..انا هنا من 5 ايام في الوحدة الطبية لا اعملشيئ بالمرة..آكل و أشرب و اعدالنجوم بالليل و بالنهار ( لأننا شفنا النجوم في عز الظهر من الغلب اللي إحنا فيه..لأن طبعا لو فيه نور في الوحدا ليلا ( نعيش علي اللمبة الغاز) كنت عملت أي حاجة مفيدة ..إنما طبعا زي ما حضرتكعارف ( أقول له) إن عد النجوم مفروض علينا ولو إنه مش من ضمن إجراءات تسلم العمل ..ضحك الرجل..وقال..إلا قولي ليلي لماذا تركتم قنا ..ماكانتش عجباكم….قلت له المسألة مش مسألة إعجاب..المسألة مسألة ظلم وقع..لما الإنسان يحس إن مظلوم مش بيقدر يتحمل أي حاجة حتي لو بسيطة..حسينا إن وجودنا في مصر أجدي من عد النجوم في قنا..طبعا لم يقنعه كلامي..أصر علي أن يشرح لنا كل ما جاء من أجله..مسك الدفاتر و العهد و الجزاءات..طبعا لم يشرح المكافآت..كله كلام فارغ..لابد أن يتم تعليمه عملي..وكل هذه الأشياء إكتسبناها بعدها بسنوات مع العمل و الممارسة..

بعد 3 ساعات إنتهي و انتهينا معه..قلنا له ممكن ترجعنا مكان ما جبتنا علشان نشتري مايلزمنا و نتصل بالأهل..الحقيقة الرجل كان ذوق و ارسل سيارته معنا لوصلنا ثم تعود إليه..كل هذا و طبيبة الوحدة الأولي مازالت ترتعش.وترتعد فرائصها … .وتتعجب علي جرأة بنات مصر !!!!!..


Responses

  1. هما كده بنات مصر بس بصراحة اسلوبك في الحوار عجبني
    واحلي ما في بنات مصر انهم بيعرفوا يتكلموا كويس زيك كده 😀
    بس لو انتي فاضية زي ما بتقولي كنتي ممكن تشغلي نفسك انتي بحاجات تتعليمها اكتر او تقضي وقت فراغك احسن

  2. والله أنا باتكلم بطبيعتي ولا أفتعل التجمل في الحوار ..ممكن يكون فقط تأثير بعض الثقافة خلال مشوار الحياة ..علي أي حال شكرا لمدحك بنات مصر ..وهل المقصود هو بنات القاهرة أم مصر كلها من البحر إلي الشلال …نورت المدونة

  3. بصراحة انا اقصد بنات القاهرة تحديدا انا لا اعلم ما صفات بنات البلاد الاخري لاني لم اعاشرهم او اتعرف عليهم فليس لي الحق في التكلم عنهم الا بوجه حق او بمعرفه حتي لا اكون كالجاهل الذي يفتي دون علم
    انا اقصد بنات القاهرة اما باقي المناطق الاخري فطبعا برده فيهم كتير يعني
    واما عن التجمل في الحديث فهذا لا اقصد به التجمل او غير ذلك انما اقصد الاسلوب الجميل والطبيعي والبسيط فقط لا غير
    شكرا لكي

  4. اسعد جدا بتعليقاتك..وإنما كنت فقط اوضح و استوضح..فمن المعروف دائما ان مصر هي القاهرة…لكن إذا كنت غير مصري فإن مصر تعني مصر بأكملها..و بالنسبة للقاهرة فإن سكان الضواحي أمثالييقولون عند الذهاب إلي وسط القاهرة ( إحنا نازلين مصر )…مجرد إختلافات في الحوار الجعرافي لا تفسد للود قضية..


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: